மண்டபத்துக்கு முன்பணம் கட்டும் முன்
எதையும் கட்டும் முன், விலை, அதில் அடங்குபவை, முன்பணம், மீதியைக் கட்ட வேண்டிய தேதி, ரத்து விதிகள் எல்லாவற்றையும் எழுத்தில் வாங்குங்கள். முதலில் மண்டபத்தை நேரில் சென்று பாருங்கள்; சாப்பாட்டுக் கூடம், சமையலறை, வாகன நிறுத்தம் ஆகியவற்றையும் நீங்களே பாருங்கள்.
· Hallnect எழுதியது
மண்டபத்திடம் கேட்க வேண்டிய 12 கேள்விகள்
- உங்கள் தேதிக்கும் நேரத்துக்குமான விலைமுழு நாள், காலை அல்லது மாலை. நாளுக்கு நாள் விலை மாறலாம்; அதனால் உங்கள் சரியான தேதியைச் சொல்லிக் கேளுங்கள்.
- விலையில் என்னென்ன அடங்கும்நாற்காலிகள், மேடை, சாப்பாட்டுக் கூடம், சமையலறை, பாத்திரங்கள், குடும்பத்தினருக்கான அறைகள், சுத்தம் செய்தல், எத்தனை மணி நேரம் AC.
- GST தனியாபல மண்டபங்கள் வாடகையுடன் 18% GST சேர்க்கின்றன; சில GST சேர்த்த இறுதி விலையைச் சொல்கின்றன.
- மின்சாரம், ஜெனரேட்டர் கட்டணம்மின்சாரமும் ஜெனரேட்டரும் தனியாகக் கணக்கிடப்படுமா, எப்படிக் கணக்கிடப்படும் என்று கேளுங்கள்.
- மண்டபம் எப்போது கைக்கு வரும், எப்போது காலி செய்ய வேண்டும்உள்ளே வரும், வெளியேறும் நேரம்; கேட்டரரும் அலங்காரக்காரரும் எவ்வளவு முன்பே வந்து ஏற்பாடு செய்யலாம்.
- உங்கள் சொந்த கேட்டரர், அலங்காரக்காரர்நீங்களே அழைத்து வரலாமா, மண்டபத்தினுடையவரைத்தான் பயன்படுத்த வேண்டுமா, வெளியிலிருந்து அழைத்தால் கூடுதல் கட்டணம் உண்டா.
- உண்மையில் எத்தனை பேர் அமரலாம்மண்டபத்தில் எத்தனை பேர் அமரலாம், சாப்பாட்டுக் கூடத்தில் ஒரு பந்தியில் எத்தனை பேர் சாப்பிடலாம்.
- வாகன நிறுத்தம்எத்தனை கார்கள் நிறுத்தலாம், அது மண்டப வளாகத்துக்குள்ளேயா.
- முன்பணமும் மீதித் தொகையும்இப்போது எவ்வளவு, பின்னர் எவ்வளவு, மீதியை எந்தத் தேதிக்குள் கட்ட வேண்டும்.
- யார் ரத்து செய்தாலும் என்ன ஆகும்நீங்கள் ரத்து செய்தால் முன்பணத்தில் எவ்வளவு திரும்பக் கிடைக்கும், மண்டபம் ரத்து செய்தால் உங்களுக்கு என்ன திருப்பித் தரும்.
- ஒவ்வொரு கட்டணத்துக்கும் ரசீதுமண்டபத்தின் பெயர், உங்கள் விழாத் தேதி, நேரம், தொகை, கட்டிய தேதி ஆகியவற்றுடன்.
- மண்டபத்தின் விதிமுறைகள்இசைக்கான நேரக் கட்டுப்பாடு, அலங்கார விதிகள், மண்டபம் அனுமதிக்காத மற்றவை.
கட்டும் முன் நேரில் பாருங்கள்
எதையும் கட்டும் முன் மண்டபத்தை நேரில் பாருங்கள்; முடிந்தால் உங்கள் விழா நடக்கும் அதே நேரத்தில். Hallnect-இல் மண்டபத்தின் பக்கத்தில் “Visit” என்பதைத் தட்டினால், நேரம் முடிவு செய்ய மண்டபம் உங்களை அழைக்கும்.
எழுத்தில் வாங்குங்கள்
Hallnect-இல் மண்டபத்திடம் விலைப்புள்ளி கேளுங்கள். அதன் பதிலில் உங்கள் தேதிக்கான விலை, அதில் அடங்குபவை, கேட்கும் முன்பணம், அந்த விலை எதுவரை செல்லும் என்பது இருக்கும்; நீங்கள் ஏற்றுக்கொண்டால் மட்டுமே மண்டபத்துக்கு உங்கள் தொலைபேசி எண் தெரியும். மண்டபத்துக்கு நேரடியாகக் கட்டினால், அதன் பணம் திருப்பித் தரும் விதிகளை எழுத்தில் வாங்குங்கள்; ஒவ்வொரு கட்டணத்துக்கும் ரசீது வாங்குங்கள்.
மண்டபம் Hallnect-இல் ஆன்லைனில் முன்பணம் வாங்கினால்
Hallnect-இல் சில மண்டபங்கள் முன்பணத்தை ஆன்லைனில் வாங்குகின்றன. நீங்கள் ரத்து செய்தால், முன்பணத்தில் இவ்வளவு திரும்பக் கிடைக்கும்:
| எப்போது ரத்து செய்கிறீர்கள் | திரும்பக் கிடைப்பது |
|---|---|
| விழாவுக்கு 31 நாட்கள் அல்லது அதற்கு முன் | முன்பணத்தில் 100% |
| 15 முதல் 30 நாட்கள் முன் | முன்பணத்தில் 75% |
| 7 முதல் 14 நாட்கள் முன் | முன்பணத்தில் 50% |
| 7 நாட்களுக்குள் | எதுவும் இல்லை |
நீங்கள் ரத்து செய்தால் ₹100 platform fee plus 18% GST (₹118) திரும்பக் கிடைக்காது. மண்டபமோ Hallnect-ஓ ரத்து செய்தால், முழு முன்பணமும் கட்டணமும் திரும்பக் கிடைக்கும்.
முழு விதிகள்: பணம் திருப்பித் தரும் கொள்கை மற்றும் ரத்துக் கொள்கை.
குடும்பங்கள் கேட்கும் கேள்விகள்
- திருமண மண்டபம் எவ்வளவு முன்பணம் கேட்கும்?
- ஒவ்வொரு மண்டபத்துக்கும் வேறுபடும். Hallnect-இல் ஒரு மண்டபத்தின் விலைப்புள்ளியில் அது கேட்கும் முன்பணம் இருக்கும்; ஆன்லைனில் முன்பணம் வாங்கும் மண்டபம், நீங்கள் கட்டும் முன்பே அந்தத் தொகையைக் காட்டும்.
- மண்டப முன்பணம் திரும்பக் கிடைக்குமா?
- ஒப்புக்கொண்ட விதிகளின்படி மட்டுமே. Hallnect வழியாக ஆன்லைனில் முன்பதிவு செய்தால் மேலே உள்ள அட்டவணை பொருந்தும்; மண்டபத்துக்கு நேரடியாகக் கட்டினால் அந்த மண்டபத்தின் விதிகள் பொருந்தும். அதனால் கட்டும் முன் அவற்றை எழுத்தில் வாங்குங்கள்.
- முன்பணம் கட்டும் முன் மண்டபத்தை நேரில் பார்க்க வேண்டுமா?
- ஆம். மண்டபம், சாப்பாட்டுக் கூடம், சமையலறை, வாகன நிறுத்தம் எல்லாவற்றையும் நீங்களே பாருங்கள். Hallnect-இல் மண்டபத்தின் பக்கத்தில் “Visit” என்பதைத் தட்டினால், நேரம் முடிவு செய்ய மண்டபம் உங்களை அழைக்கும்.